आजच्या "ऑडिओ - व्हिडीओ " च्या जमान्यात,
मुंबईच्या फास्ट लाईफ मध्ये,
आपले WHATS’APP, FACE-BOOK, SMS
या व्यतिरिक्त अवांतर वाचन कमी झालेले आहे,
हे जरी खरे असले,
तरी प्रत्येकाला आपल्या मातृभाषेतील - उत्कृष्ट साहित्य, कथा, कादंबऱ्या, नाटकं वाचायची इच्छा असते,
पण वेळेअभावी ते शक्य होत नाही.
वपु (काळे) म्हणतात, त्याप्रमाणे -
स्वतःच्या लेखनाचा पहिला वाचक, स्वतः लेखकच असतो.
तो स्वतःला न्याय देण्याच्या प्रयत्नात असतो.
तो तानपुऱ्याचा एक षड्ज छेडतो.
वाचकांच्या भावविश्वाची किंवा अनुभवांशी, ती कंपने पोहोचली,
तर दुसरा षड्ज लागतो.
लिहिलेली कथा - सांगितली जाते,
म्हणूनच जुळलेल्या स्वरांचं एकत्र संमेलन म्हणजेच -
कथाकथन !
मात्र एकदा हे सूर जुळले म्हणजे,
जी मैफल जमवायची असते,
ती शब्दांचीच, कारण -
कथाकथन !!
हि निव्वळ शब्दसृष्टी आहे.
मराठी साहित्यातील, लिखित वाङ्मयाला , कथित साहित्याचे सुद्धा सामर्थ्य आहे,
आणि ती एक PERFORMING ART आहे
हे अनुभवण्यासाठी आणि
निव्वळ शब्दसृष्टीत, बारमास वसंत ऋतू दरवळावा , यासाठी -
प्रथितयश लेखकांच्या कथांचे,
कथाकथन !!!